Язучы: |
Фикерләр (0)Бездә бүген Яңа Ел
Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.
Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.
Яшел ылыслар артында
Әкият качып тора,
Эчендәге бар серләрне
Ачарга кызыктыра.
Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.
Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!
Эзләү
Котлаулар
...
Санагыч
| Төп » Мәкаләләр » Котлаулар » Яңа ел белән котлау |
| Категориядәге материаллар: 8 Күрсәтелгән материаллар: 1-8 |
Араларга: Көне буенча · Исеме буенча · Дәрәҗәсе буенча · Фикерләр буенча · Караулар буенча
|
Яңа Ел килә |
|
Яңа ел төне |
|
|
|
Язмышлардан узмыш булмаса да, Тотып бәхет дигән ачкычны Яңа елның яңа капкаларын Төпкә кадәр каерып ач, дустым. Ач син, шыгырдатып бу капканы Яшик әле җырлы көннәрдә Уй-фикерләр эшкә ашсын быел, Хыял-төшләр күчсен өннәргә. Күкләр аяз, дөнья имин булсын, Хәерчелек ишек какмасын. Шәфкатьле бул, беркем бу тормышта Шатлык чәчеп, кайгы тапмасын. |
|
Яңа еллар килсен бәхет алып, Яңа еллар килсен елмаеп. Күңелләрдә мәңге шатлык булсын, Яшәмәгез, дуслар моңаеп. |
|
Гыйнвар башы – ел башы. Яңа ел белән чын күңеллергә яңа өметләр, ышанычлар килә. Ышанычың, йөрәгеңнең серле бер почмагында сакланган өметең тормышка ашсын, бәхетең мөлдерәмә тулып торсын. Гомерең шатлыклы, куанычлы, мул ризыклы булсын, сәламәтлектә узсын. Шатлыклы хәбәрләр, бәхетле көннәр узган елдагын да кубрәк булсын, күңелсезлекләр иске елда калсын. |
|
Декабрь бураннары алып килгән Яңа ел белән котлыйм! Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын. |
|
Узган елда синең тормышың яңа, гүзәл сәхифәләргә бай булды дип ышанам. Яңа 20__ елның ничек узуы - әлбәттә, үзеңнән тора. Син тырышырга, хезмәткә өйрәнергә, тормышның матурлыгын, гүзәллеген аңларга һәм тоярга, сәламәт, көчле һәм тырыш булырга омтылырга тиеш. Тик шул вакытта гына Яңа ел бәхет-шатлык, уңышлар алып килер. алга таба>>> |